*Kana ganin muna crypto kuma muna murmushi kana sha'awa ko? To kamar kakin soja ne watau marmari daga Nesa. Kasuwancin Cryptocurrency cike yake da firgici da jin tsoro sai mai dakakkiyar zuciya ne zai iya yinsa.*
*Kafin ka shiga ka tambayi zuciyarka idan zata iya zama mai hakurin jiran lokaci da kuma juriyar holding har sai ya bada riba. Idan ko zuciyarka mai rauni ce to tabbas ka bude P.O.S ka dinga samun kuɗi.*
*Mai hakuri yana da sakamako mai kyau a ranar lahira, idan mai hakuri ya shiga Cryptocurrency to sakamakon hakurinsa tun a duniya zai gansa domin zai samu dumbin alkairi. Rashin hakuri na kai mutum ga rasa damarmakin rayuwa musamman a Cryptocurrency. Coin din da ka raina ka sayar yau gobe zaka iya gani ya bada ribar miliyoyi.*
*A duniyar kasuwancin Cryptocurrency akwai masu arziki akwai talakawa, masu arzikin cikinta sune masu hakurin cikinta yayin da talakawan cikin sune marasa hakurin cikinta. Koda yake dama Hausawa na cewa "Ma hakurci=Mawadaci" baka gane asalin ma'anar wannan Kalmar sai idan kana Crypto.*
*Daga nesa wasu kuma na yiwa yan Crypto kallon cima zaune. Ku ce masu su shigo suga irin wahalar da muke yi, su shigo suga irin firgici da razanin da muke shiga, su shigo su ga irin hakuri da juriyar da muke nunawa. Daga karshe ne muke takar sa'a har suke kallonmu muna burge su.*
