2021-11-05 13:13:00
Частка V: Рэгуляцыя
Тэма рэгуляцыі крыпты незаслужана моцна бударажыць розумы як пачаткоўцаў, так і мацёрых карыстальнікаў і распрацоўшчыкаў. Але насамрэч гэта пытанне даволі банальнае і можа быць разбітае на дзве асобныя праблемы:
.
1. Стаўленне рэгулятара да крыптавалют, дэфай, НФТ і ўсяго астатняга.
2. Самарэгуляцыя дэцэнтралізаваных сістэм.
.
У першым выпадку вынік рэгуляцыі зыходзіць у асноўным з палітычных уяўленняў той ці іншай юрысдыскцыі аб дэцэнтралізацыі, дэмакратызацыі рынкаў і страце кантролю над некаторымі з іх. Так, публічныя блакчейн сістэмы паступова пазбаўляюць дзяржавы долі кантролю над некаторымі, у першую чаргу фінансавымі, аспектамі жыцця грамадзян. Некаторыя краіны, напрыклад
Расея ці Кітай, абяруць поўную забарону ўсяго што звязана з публічнымі блакчэйнамі. Гэта не значыць, што людзі перастануць іх выкарыстоўваць, бо рэалізаваць такую забарону тэхнічна амаль немагчыма, але затое такая палітыка пакіне цэнтралізаваным кантроль аўтарытарных сістэм. Іншыя, напрыклад
ЗША, пастараюцца стварыць рэгуляцыю, у якой бізнэсу было б выгадна існаваць і плаціць падаткі (а не плаціць жудасна б каралася) і паступова будуць спрабаваць інтэграваць старую і новую фінансавыя сістэмы.
.
У другім выпадку будуць выбудоўвацца паралельныя інстытуты кіравання ў форме дэцэнтралізаваных сістэм, дзе роля рэгулятара заменена алгарытмам. Гэта будуць permissionless сістэмы, гэта значыць любы, без запыту і разгалошання свайго імя, зможа быць карыстальнікам, кантрыб'ютарам, фундатарам або ўдзельнікам гавернанса такой сістэмы. Крыптаграфія і блакчэйн будзе абараняць нязменнасць гісторыі такой сістэмы, а дызайн механізмаў (фінансавыя стымулы) і рэпутацыя (сацыяльныя стымулы) будуць гарантаваць прадказальнасць і стабільнасць іх развіцця ў будучыні.
.
Абедзве мадэлі будуць жыць. У залежнасці ад вашай юрысдыкцыі вы будзеце больш ці менш абмежаваны дзеяннямі дзяржавы: паўночныя карэйцы не будуць мець тэхнічнага выбару; грамадзяне РФ ці Кітая будуць мець выбар, але пад пагрозай гвалту з боку бюракратыі; грамадзяне ЕС будуць свабодна карыстацца, працаваць і зарабляць у поўнасцю паралельнай псеўданімнай эканоміцы. З часам выгады нецэнзураванасці, праграмуемай бюракратыі, эканомікі без пасярэднікаў (карпарацый са звышпрыбыткамі або дзяржавы з карупцыяй) стануць відавочныя і гэта, магчыма, прывядзе да палітычных змен. Але ўжо сёння кожны з нас можа існаваць у той бюракратычнай сістэме, якая камфортная асабіста яму. А паколькі хуткасць інавацый і эканамічны рост у адкрытых сістэмах адбудзецца хутчэй, то ўсё больш людзей будзе рабіць выбар на карысць Web3.
.
Абавязковы дысклеймер для ўсіх over-палітылізаваных чытачоў: крыпта гэта не пра анархію ці знішчэнне дзяржавы. Гэта пра пошук найболей эфектыўных прылад каардынацыі людзей. Нам не трэба знайсці ідэальны варыянт - трэба толькі зрабіць лепш, чым сённяшнія аўтакратыі і дэмакратыі. Гэтак жа як інтэрнэт не прывёў да абсалютнай дамінацыі дыктатур або дэмакратый, але істотна змяніў тое, як працуюць абедзве мадэлі.
.
#Web3
.
@cryptobelarusik
424 views10:13
К
