2021-11-03 10:10:00
Частка III: DAO
Крыпта пачалася з фінансаў, але гэта далёка не самае важнае, што становіцца магчымым дзякуючы тэхналогіі. Некалькі тыдняў таму на
EthCC Віталік Бутэрын у сваёй прамове распавёў што прыйшоў час рухаць далей. "Бачанне Эфірыума заўсёды было не толькі ў фінансавых прыкладах выкарыстання" – заўважыў ён.
У сваім выступленні Віталь абазначыў некалькі прыярытэтных напрамкаў: дэцэнтралізаваны сацыяльныя сеткі, аўтарызацыя, лічбавыя атэстацыі і сертыфікаты, фінансаванне публічных праектаў. І гэта далёка не вычарпальны спіс. Але, што важна, усе гэтыя ініцыятывы пачынаюцца з людзей, а крыпта дала нам новы спосаб арганізацыі суполак, а менавіта –
DAO.
Сёння шматлікія DAO выглядаюць гэтак жа наіўна, як і першыя токены на эфіры. Тысячы не да канца разумеючых "інвестараў" трымаюць незразумела навошта і каму патрэбныя гавернанс токены. Але гэта таксама пройдзе. Токены абясцэняцца, кам'юніці разбягуцца, а там дзе сёння адбываецца сапраўдная вайна за ўладу (
Curve, Maker) адбудзецца радыкальны рост практык кіравання і прыняцця рашэнняў.
DAO можа быць невялікі стартап або буйная кампанія, і гэта дае ім істотныя выгады ў выглядзе больш уцягнутых кліентаў, а значыць і канкурэнтнай перавагі. Нездарма
Maker і ShapeShift абвясцілі на днях, што яны цалкам дэмантуюць юрыдычныя асобы вакол сваіх праектаў і пераходзяць на 100% кіраванне праз ДАО [1], [2].
DAO можа быць нейкая невялікая група людзей: сябры, якія выбіраюць месца для адпачынку; суседзі, якія фінансуюць рамонт пад'езда; творчы калектыў, які размяркоўвае прыбытак. DAO можа быць нават Кангрэс ці інтэрнацыянальная арганізацыя.
З часам, з простых холдэраў карыстальнікі ператворацца ў актыўных удзельнікаў тых ДАО, якія сапраўды вельмі блізкія ім па духу і інтарэсам. Супрацоўнікі ДАО будуць ананімныя і тэрытарыяльна размеркаваныя. Прыняцце рашэнняў і арганізацыя працоўных груп будзе адбывацца на аснове псеўданімнай рэпутацыі, а не фармальных працоўных кніжак і дыпломаў. Стане нормай праца ў некалькіх (3 і больш) арганізацыях адначасова.
.
#Web3
.
@cryptobelarusik
456 views07:10